Da Göll is 2523 m hoch und da liegt no gnua Schnee für a Skitour. Natürlich is da Weg da nauf nimma so wia im Hochwinter. Man muas de Ski vom Beginn vom Alpetalsteig weg a weng drang. Aber was macht des scho eigfleischte Tourengeher? Ski auf’n Rucksack, Rucksack auf’n Buckl und los. Nach a hoibn Stund war Schneekontakt und nach ca. 1 3/4 Stund war de erste Rast in da Sonn. S’Weda war traumhaft, leichte Brise und blaua Himme. An da Steilstufn in da Mittn von da Tour war moi kurz Harscheisen-testen ogsagt. Ois had basst und nach ca. 4 Stund und 1400 hm war da Gipfe erreicht.
![](https://secure.gravatar.com/avatar/6b01a972d5089024bd886a65bb7ae93f?s=80&d=https%3A%2F%2Fwww.bergfreunde-velden.de%2Fwp-content%2Fthemes%2Fdt-the7%2Fimages%2Fmask.png&r=g)